Аксубай районы Иске Татар Әдамы авылы  фельдшер-акушерлык пунктында капиталь ремонт төгәлләнгән.

  Ремонт 2025 елның февралендә башлана һәм сәламәтлек саклауның беренчел звеносын модернизацияләү өчен «Озак һәм актив тормыш» милли проекты кысаларында бүлеп бирелгән акчаларга башкарыла.  Ремонт эшләре түбәне , электр үткәргечләрен, вентиляцияләрне, су агызу җайланмаларын алыштыруны үз эченә алган. Шулай ук диварлар, идән һәм түшәм төзекләндерелгән.  Яңа җиһазларның бер өлеше муниципаль бюджеттан бүлеп бирелгән акчаларга сатып алынды. Иске Татар Әдам фельдшер-акушерлык пункты күбесенчә өлкән яшьтәге халыкка хезмәт күрсәтә. Территориаль хезмәт күрсәтү зонасына ике торак пункт-Яңа Һәм Иске Татар Әдамы керә, аларның гомуми саны 111 кеше. Хезмәт күрсәтү сыйфатын яхшырту өчен, фельдшерга торак пунктлар арасында йөрү өчен автомобиль бирелгән, ул шулай ук сәламәтлек саклауның беренчел звеносын модернизацияләү кысаларында алынган. Хәзер яңа уңайлы шартларда халык профилактика чараларыннан башлап, аз хәрәкәтләнүче пациентлар өчен стационарны алмаштыра торган технологияләргә кадәр медицина хезмәтләренең киң спектрын ала алачак.