Хөрмәтле авыл хезмәтчәннәре, агросәнәгать комплексы хезмәткәрләре, тармак ветераннары!

  Авыл хуҗалыгы һәм эшкәртү сәнәгате хезмәткәрләре көне белән ихлас күңелдән котлауларымны кабул итегез! Югары һөнәри осталык, хезмәтне яхшы оештыру һәм хезмәтчәннәрнең бердәм эшләве нәтиҗәсендә бүген Аксубай районы икътисадының аграр секторында уңай үзгәрешләр күзәтелә. Быел Татарстан Республикасы Аксубай районы игенчеләре республикада беренчеләрдән булып бөртекле культуралар җыюны төгәлләде! Татарстан агросәнәгать комплексын үстерүгә, крестьян хезмәте традицияләрен саклап калуга һәм авыл хуҗалыгы җитештерүенең заманча технологияләрен формалаштыруга керткән өлешегез өчен тирән ихтирам һәм рәхмәт белдерәбез. Сезгә нык сәламәтлек, энергия, илһам һәм киләчәктә һөнәри уңышлар телибез!