Аксубай районы Пионер авылы Пионер фельдшер-акушерлык пунктында капиталь ремонт тәмамланды

  Ремонт сәламәтлек саклауның беренчел звеносын модернизацияләү өчен "Озакка сузылган һәм актив тормыш" илкүләм проекты кысаларында бүлеп бирелгән акчаларга башкарылды. Ремонт 2025 елның февралендә башланган. Ремонт эшләре түбәне, электр үткәргечләрен, вентиляцияне, су чыгару җайланмаларын алыштыруны үз эченә алган. Шулай ук стеналар, идән һәм түшәм ремонтланган. Муниципаль бюджеттан бүлеп бирелгән акчага яңа җиһазларның бер өлеше сатып алынган. Пионер фельдшер-акушерлык пункты күбесенчә өлкән яшьтәге халыкка хезмәт күрсәтә. Территориаль хезмәт күрсәтү зонасына гомуми саны йөздән артык кеше булган Пионер бистәсе керә. Хәзер яңа уңайлы шартларда халык профилактик чаралардан алып, хәрәкәте чикләнгән пациентлар өчен стационар алыштыру технологияләренә кадәр медицина хезмәтләренең киң спектрын ала алачак.