«Рухи көн» операциясе

  Феодосий Тотемский чиркәүе диварлары дога белән генә түгел, яңгыравыклы көлү, дусларча сөйләшүләр һәм, әлбәттә,  яфрак  җыйган тавышлар белән дә тулды. «Импульс» волонтерлары отряды фикердәшләре белән берлектә зур өмә үткәрде, гыйбадәтханәгә һәм аның мәхәллә кешеләренә чисталык һәм ямь бүләк итте. Көзге салкынча һава торышына карамастан, иртә таңнан энтузиазм белән эшкә тотындылар алар. Тырма, капчык һәм яхшы кәеф белән коралланып,  бергәләп территорияне җыештыруга керештеләр. Коелган яфраклар, алтын келәм кебек, храм тирәсендәге җирне каплаган, һәм волонтерлар алдындагы бурыч җиңелләрдән түгел иде. Өмә җылы һәм дустанә атмосферада узды. Волонтерлар бик тырышып кына калмады, аралаша, бер-берсе белән таныша алды һәм үзләрен зур  дус команданың бер өлеше итеп хис итә алдылар. Эшләр тәмамлангач, гыйбадәтханә территориясе чисталык белән балкыды. Җыештырылган яфраклар пөхтә итеп капчыкларга салып алып китүне көтәләр, ә храм үзе көзге бизәкләрдән азат булып, бөтен матурлыгы белән балкып тора. «Импульс» волонтерлары отряды чираттагы мәрхәмәтлелек һәм ярдәм итү теләге – могҗизалар эшләргә сәләтле чын көч икәнен исбатлады.