Аксубай районында гражданнар оборонасы буенча команда-штаб өйрәнүләре узды.

  Дүрт көн дәвамында Аксубай муниципаль районы территориясендә гражданнар оборонасы буенча районның гражданнар оборонасы җитәкчесе Станислав Зайцев җитәкчелегендә команда-штаб күнегүләре узды. Өйрәнүләр барышында районның барлык коткару хезмәтләре, эвакуация комиссиясе катнашында практик чаралар үткәрелде, шулай ук кабул итү-эвакуация пунктлары җәелдерелде. Куелган барлык бурычлар да тулы күләмдә үтәлде. Тренировка тәмамлангач, нәтиҗәләр ясалды, барлык катнашучыларга югары әзерлек дәрәҗәсе, бердәм хезмәт һәм команда-штаб өйрәнүләре барышында җаваплылык күрсәткәннәре өчен рәхмәт белдерелде.