«Я в Агро» Бөтенроссия конкурсы башланды.

  Мәскәүдә «Тимирязев үзәге» укыту-күргәзмә комплексы мәйданчыгында Россия Федерациясе Авыл хуҗалыгы министрлыгы, Росмолодеж, Россельхозбанк һәм Россия яшьләр берлегенең масштаблы проекты «Я в Агро» Бөтенроссия конкурсы  старт алды. Әлеге проект яшьләрнең хыялларын тормышка ашыру өчен шартлар тудыруга, аларны кече территорияләрнең социаль-икътисадый үсешенә кертүгә һәм авыл тормышының җәлеп итүчәнлеген арттыруга юнәлдерелгән. Теркәлү 2025 елның 1 декабренә кадәр сылтама буенча мөмкин. Сәламләү сүзе белән Россия Федерациясе Авыл хуҗалыгы министры Оксана Лут мөрәҗәгать итте: "Безнең өч төп максат. Беренчесе-агросәнәгать комплексын яшьләр арасында популярлаштыру. Без балаларны авыл хуҗалыгында көтәбез һәм бүген бу илнең иң технологик, заманча һәм перспективалы тармакларының берсе икәнен күрсәтергә телибез. Икенчесе-агросәнәгать комплексында эшләүчеләрнең кызыксынуын ныгыту. Безгә җитештерүне үстерергә һәм нәтиҗәлелекне күтәрергә ярдәм итәчәк яңа идеяләр, яңа караш, инициативалар кирәк. Өченчесе – безнең тармак ярдәмендә илнең сыйфатлы һәм тәмле ризык белән тәэмин ителгәнлеген күрсәтү», - дип билгеләде Оксана Лут. Конкурс 14 яшьтән 35 яшькә кадәрге яшьләрне түбәндәге юнәлешләр буенча берләштерәчәк: мәктәп укучылары һәм студентлар өчен «Киләчәкне сайла»; агросәнәгать комплексы хезмәткәрләре һәм авыл эшчеләре өчен «Яхшыга алмаштыр»; агроблогерлар өчен «Башкаларны рухландыр»; агропредпринимательләр өчен «Үзеңнекен булдыр». "Агросәнәгать комплексы-миллионлаган россияле эшли һәм яңа технологияләр, шул исәптән ясалма интеллект, актив рәвештә кертелә торган динамикалы үсеш алучы тармак. Аграр өлкәдә эш бик күп, һәм ул гаять кызыклы. Безнең төп бурыч – тармакны үстерүне дәвам итү һәм яшь белгечләрне күбрәк җәлеп итү. Нәкъ менә шуңа күрә берничә ел элек без «Я в Агро»»платформасын эшләтеп җибәрдек. Бу аграр өлкәдә мәгарифне һәм карьераны үстерүгә юнәлдерелгән мәйданчык. Без мәктәп укучылары, студентлар һәм яшь белгечләр белән эшлибез. Платформа шулай ук «Я в Агро» конкурсы өчен нигез булып тора һәм, авыл хуҗалыгын үстерүгә ярдәм итеп, бу инициативаны яңа дәрәҗәгә чыгарырга мөмкинлек бирә», – дип билгеләп үтте Идарә Рәисе урынбасары Елена Батурова. Проектның иң яхшы катнашучылары һәм җиңүчеләре үз инициативаларын гамәлгә ашыруга проектны гамәлгә куючылардан һәм партнерларыннан эксперт, ресурс һәм инвестиция ярдәме алачак. Катнашу өчен ВКонтактеда видеовизитка яздырырга, конкурс платформасында теркәлергә һәм материалны 2025 елның 1 декабренә кадәр бастырып чыгарырга кирәк.