Ел саен 4 ноябрьдә Россиядә мөһим дәүләт бәйрәме — Халыклар бердәмлеге көне билгеләп үтелә.

  Бу бәйрәм аерым әһәмияткә ия, чөнки ул безнең күпмилләтле илебездә яшәүче төрле халык, төрле дин һәм мәдәният вәкилләрен берләштерә. Бүген бу бәйрәм милли татулык һәм гражданнар татулыгы символына әверелде. Россия халкы аны зур энтузиазм белән билгеләп үтә, бердәмлек һәм үзара аңлашуның мөһимлеген ассызыклый торган бәйрәм чаралары, концерт һәм күргәзмәләр оештыра. Халыклар бердәмлеге көне уңаеннан Аксубай районы мәдәният йортының тамаша залында тантаналы концерт узды. Кичәне өч телдә җылы котлау сүзләре белән ачып җибәргән Элина Лионова, Алия Сөләйманова һәм Оксана Лодоркина алып бардылар. Мәртәбәле кунаклар: Башкарма комитет җитәкчесе Станислав Зайцев, җирле мәхәллә рухание Александр Качаев һәм имам-хатиб Равил хәзрәт Камалетдиновның чыгышы аеруча үзенчәлекле булды. Алар район халкына ихлас күңелдән тынычлык, муллык һәм иминлек теләделәр. Моннан тыш, Россия Федерациясе гражданинының төп документын беренче тапкыр алган укучыларга паспортлар тапшыру тантанасы программаның мөһим өлеше булды. Бу вакыйга яшьләрнең яңа олы тормышка аяк басуын һәм җаваплылык һәм гражданлык хисләренең ныгуын символлаштыра. Концерт  программасы җирле солистларның һәм ДШИда катнашучыларның якты чыгышлары белән тулы иде. Артистлар тамашачыларга соклану  уяткан иң яхшы концерт номерларын тәкъдим итте. Зал артистларга рәхмәт белдердереп алкышларга тулды. Чара катнашучылар һәм тамашачылар арасында җылы аралашу һәм уңай хис-кичерешләр алмашу белән тәмамланды. Бәйрәм атмосферасы халык күңелендә милли горурлык һәм бер-береңә карата ихтирам хисен ныгытып, онытылмас эз калдырды.