Елизавета Ивановна үзенең 90 яшьлек юбилеен билгеләп үтте!

  Бүген Федоровка өлкәннәр һәм инвалидлар интернат-йортында җылы очрашу булды. Башкарма комитет җитәкчесенең социаль мәсьәләләр буенча урынбасары Алексей Тимирясов учреждение директоры Фоат Абдуллин белән бергә күркәм хатын – кыз Якимова Елизавета Ивановнаны истәлекле юбилее белән шәхсән котлады! Бу үзенчәлекле көнне Елизавета Ивановна кунаклардан һәм интернат хезмәткәрләреннән бик күп ихлас теләкләр кабул итте. Аңа зирәклеге, игелеге һәм тормыш сөючәнлеге өчен рәхмәт белдерделәр.  Бүләкләр бу шатлыклы вакыйганы тагын да ямьләндерде  Бергәләшеп бүләк ителгән чынаяклардан чәй эчтеләр. Һәркемнең йөзендә бәхет һәм елмаю балкыды.  Елизавета Ивановнага чын күңелдән нык сәламәтлек, күңел күтәренкелеге һәм иминлек телибез! Алда тагын бик күп якты көннәр һәм шатланырлык сәбәпләр булсын!