Хөрмәтле полиция хезмәткәрләре һәм эчке эшләр органнары ветераннары! Сезне һөнәри бәйрәмегез белән котлыйм!

  Сезнең хезмәт-районыбызның иҗтимагый тотрыклылыгы һәм  үсеше нигезе, халыкның иминлеге, сәламәтлеге һәм тынычлыгы гарантиясе ул. Бүген полиция төрле бурычларны хәл итә: җәмәгать тәртибен саклый, җинаятьләрне кисәтә һәм ача, террорчылыкка һәм экстремизмга каршы көрәшә, оешкан җинаятьчелеккә һәм наркотикларның законсыз әйләнешенә каршы көрәшә һәм соңгы елларда киң таралган телефон мошенниклыгына каршы тора. Полициядә хезмәт итү - иң катлаулы һәм җаваплы эш. Ул хезмәткәрләрдән югары әхлакый сыйфатлар, тирән белем һәм кешеләргә игътибарлы, яхшы мөнәсәбәт таләп итә. Сез шәхси вакытыгыз белән исәпләшмичә эшлисез. Сезгә намуслы хезмәтегез, сайлаган һөнәрегезгә тугрылыгыгыз, законга һәм иминлекне саклауга тугрылыклы хезмәтегез өчен чын күңелдән рәхмәт белдерәм. Сезгә ярдәм иткән, Сезнең белән бергә хезмәт итүнең барлык авырлыкларын кичергән гаиләләрегезгә аерым рәхмәтемне җиткерәм. Сезгә һәм якыннарыгызга нык сәламәтлек, бәхет, иминлек, баш өстендә тыныч күк йөзе һәм Ватан иминлеге өчен мөһим эшегездә уңышлар телим! Алмаз Мингулов, Аксубай муниципаль районы башлыгы.