Алмаз Мингулов: аграр кадрларны үстерү — районның азык-төлек иминлеге нигезе.

  Район башлыгы Алмаз Мингулов районның авыл хуҗалыгы тармагының яшь белгечләре белән очрашты. Шунысы куандыра, агросәнәгать комплексына авыл хуҗалыгын үстерүгә заманча карашлы энергияле, белемле профессионаллар килә. Ачык диалог барышында яшьләрне борчыган актуаль мәсьәләләр: лаеклы хезмәт хакы, торак шартлары, һөнәри үсеш мөмкинлекләре турында фикер алыштылар. «Кадрлар» милли проектын гамәлгә ашыру кысаларында кадрларны яңадан әзерләү һәм квалификация күтәрү программаларына аерым игътибар бирелде — заманча авыл хуҗалыгында даими рәвештә яңа технологияләрне һәм эш алымнарын үзләштерү мөһим. «Уртак тырышлык белән авыл хуҗалыгындагы эшне яшьләр өчен абруйлы һәм кызыклы итәрбез дип ышанам. Районыбызның азык — төлек иминлеге һәм чәчәк атуы нәкъ менә яшь белгечләр кулында бит!"- дип ассызыклады Алмаз Мингулов.