Аксубай районында Бөтендөнья татар конгрессы Башкарма комитеты җирле бүлекчәсе идарәсенең киңәйтелгән утырышы узды.

  Анда Бөтендөнья татар конгрессы Башкарма комитеты җитәкчесе урынбасары, район башлыгы Алмаз Мингулов, Татарстанда бүлекчәләр белән эшләү комитеты җитәкчесе Ирек Шәрипов, шулай ук район оешмалары җитәкчеләре, мәгариф учреждениеләре, музейлар вәкилләре, авыл җирлекләре башлыклары, укытучылар һәм китапханә хезмәткәрләре катнашты. Фикер алышуның төп темасы татар халкының милли мәдәниятен һәм гореф — гадәтләрен саклауга һәм үстерүгә юнәлдерелгән «Татарстан: үз өемдә — үз тәртибем белән» проектын тормышка ашыру булды. Бөтендөнья татар конгрессы Башкарма комитеты җирле бүлекчәсе идарәсенең яңа җитәкчесен сайлау утырышның төп вакыйгасы булды. Катнашучыларның бердәм карары белән яңа җитәкче итеп Лилия Сәхабетдинова сайланды. Лилия Сәхабетдинова үзенең кереш чыгышында татар халкының телен, мәдәниятен һәм гореф-гадәтләрен саклауның мөһимлеген ассызыклады һәм туган милләтебез хакына берөзлексез эшләргә әзер булуын белдерде.