20 ноябрь-Бөтендөнья балалар көне һәм Бөтенроссия балаларга хокукый ярдәм күрсәтү көне.

  Бүген район Башкарма комитеты опека һәм попечительлек бүлеге укучылар өчен Бөтендөнья балалар көненә һәм Бөтенроссия балаларга хокукый ярдәм күрсәтү көненә багышланган тематик чара уздырды. Балаларга сәламләү сүзе белән район башлыгы Алмаз Мингулов мөрәҗәгать итте. Очрашу барышында укучылар балигъ булмаганнарның төп хокуклары һәм бурычлары турында белде, аларны яклау буенча практик киңәшләр һәм профильле белгечләрдән консультацияләр алдылар. Бу әһәмиятле даталар җәмгыятькә һәр баланың хокукларын яклау, аларны үстерү өчен имин мохит белән тәэмин итү һәм балаларның җәмгыять тормышында тулы канлы катнашуы өчен шартлар тудыру кирәклеген искә төшерә.