«Мечта» приютында тәрбияләнүче иң яшь балалар финанс грамоталылыгы нигезләрен өйрәнә.

  Финанс белеме балачактан башлана. Әти – әниләрен күзәтеп, нәниләр акчаның кәгазь генә түгел, ә ихтыяҗларны канәгатьләндерү чарасы булуын аңлый. Шуңа күрә аларга акчаның килеп чыгышын һәм аларны куллану кагыйдәләрен аңлату мөһим. Аксубай районы «Мечта» балалар һәм яшүсмерләр социаль приютында «Яшь финансистлар» программасы кысаларында «Могҗиза-акча»дәресе үткәрелде. Балалар акча тарихы, гаилә бюджеты, керем һәм чыгымнар, шулай ук нәрсә сатып алырга мөмкин булуы турында белделәр. Балалар кызыксынып һәм үз белемнәрен күрсәтеп катнаштылар. Бу дәресләр балаларга финанс процессларын яхшы аңларга гына түгел, аларның фикерләвен һәм җаваплылыгын үстерергә дә ярдәм итә. Мондый дәресләр үткәрүне дәвам итү мөһим, чөнки финанс грамоталылыгы - уңышлы киләчәк өчен нигез ул.