Район вәкилләре Казан шәһәренең Дәрвишләр бистәсендә чираттагы авыл хуҗалыгы ярминкәсендә иртә таңнан сәүдә итте.

  Шәхси эшмәкәрләр, авыл җирлекләре башлыклары шәхси ярдәмче хуҗалыклар белән берлектә казанлыларга авыл хуҗалыгы товарлары һәм продуктлар, шул исәптән ашлык, ит, сөт, шулай ук ассортименттагы яшелчәләр тәкъдим иттеләр.  Бүген безнең сәүдә рәтләрендә Татарстан Республикасы Авыл хуҗалыгы һәм азык-төлек министры булды. Марат Азат улы сатучылар һәм сатып алучылар белән аралашты, продукциябезнең сыйфатын һәм ярминкәне оештыруны югары бәяләде. Күп еллар дәвамында безнең район Казан шәһәре халкы өчен шактый күләмдә авыл хуҗалыгы продукциясен кулай бәядән уңышлы сата.