Бүген безнең районда күптән көтелгән вакыйга булды – «Аксубай – Федоровка – Яңа Баланда-Яңа Мокша»автомобиль юлын ачу тантанасы булды.

  Яңа юл торак пунктлар арасында сыйфатлы һәм имин элемтәне тәэмин итеп кенә калмыйча, халык өчен яңа мөмкинлекләр дә ачачак: эшкә, укуга, сәламәтлек саклау объектларына һәм социаль учреждениеләргә баруны җиңеләйтәчәк. Ачылу тантанасында район башлыгы Алмаз Мингулов, «Татавтодор» ның Аксубай филиалы директоры, җирлек башлыклары һәм халык катнашты. Барысын да әлеге мөһим вакыйга белән котлап, юл территорияләрнең киләчәк үсешенә һәм тормыш сыйфатының яхшыруына нигез булачагын билгеләп үттеләр.