«Мечта» социаль приюты сәламәт яшәү рәвеше өчен бөтенроссия дәрәҗәсендә билгеләп үтелде.

  Аксубай муниципаль районы«Мечта»  балалар һәм яшүсмерләр социаль приюты «Россиянең югары социаль нәтиҗәлелек оешмасы» конкурсында «Җитештерү өлкәсе булмаган оешмаларда сәламәт яшәү рәвешен формалаштырган өчен»номинациясендә икенче урынны алды. Бүләкләү тантанасы Мәскәүдә Бөтенроссия кадрлар форумы мәйданчыгында узды. Җиңүчеләрне һәм призерларны вице-премьер Татьяна Голикова, Россия Хезмәт һәм социаль яклау министры Антон Котяков, РСПП вице-президенты Виктор Черепов һәм ФНПР рәисе урынбасары Нина Кузьмина котлады. «Мечта» приюты коллективын лаеклы бүләкләре белән котлыйбыз һәм алга таба уңышлар телибез!