Традицияләрнең якты җепләре: Аксубай районы мәгариф учреждениеләрендә чуваш чигү көнен зурлап билгеләделәр.

  Гадәттәгечә 26 ноябрьдә билгеләп үтелә торган чуаш чигү көнендә Аксубай муниципаль районы балалар бакчаларыннан алып мәктәпләргә кадәрге мәгариф учреждениеләре балаларны бу уникаль милли байлыкка киң колач һәм җылылык белән тарталар. Чуваш чигү көне уңаеннан үткәрелгән чаралар бу борынгы һөнәрне саклауга һәм популярлаштыруга, аның бай символикасы һәм уникаль техникасы турында белемнәрне үсеп килүче буынга тапшыруга, шулай ук Аксубай җирендә тирән тамырланган чуваш мәдәниятенә һәм традицияләренә хөрмәт тәрбияләүгә юнәлдерелгән иде. Балалар бакчаларында тематик дәресләр оештырылды, анда  уен формасында чуаш чигүенең төп элементлары, аның ачык төсләре һәм бизәкләре белән таныштылар. Балалар рәхәтләнеп орнаментлар буяп, чигү мотивлары буенча аппликацияләр ,пластилиннан символ һәм бизәкләр ясадылар. Мәктәпләрдә чуаш чигү тарихына, аның төбәк үзенчәлекләренә һәм күренекле осталарга багышланган ачык дәресләр узды. Урта һәм өлкән сыйныф укучылары чигү буенча мастер-классларда катнаштылар, анда педагоглар җитәкчелегендә бу мәшәкатьле, ләкин бик мавыктыргыч дәреснең нигезләрен үзләштерделәр. Чуаш орнаментының иң яхшы эскизына конкурс, мәктәп укучыларының авторлык эшләре күргәзмәләре, шулай ук чигү символикасын өйрәнү буенча фәнни-тикшеренү проектлары оештырылды. Мәктәпләр интерактив күргәзмәләр үткәрелде, борынгы чуаш сөлгеләре, костюмнарның һәм чигү белән бизәлгән баш киемнәренең чын үрнәкләре күрсәтелде. Аксубай районы мәгариф учреждениеләрендә чуваш чигү көнен зур бәйрәм итү мәдәни вакыйгага гына түгел, ә күпмилләтле төбәктә яшәүче яшь буында милли үзенчәлекне саклау, патриотизм һәм эстетик зәвык тәрбияләү эшенә дә зур өлеш кертте.