Хәрби Дан мемориалы янында Ватан Геройлары көненә багышланган тантаналы митинг узды.

  Чарада хезмәт коллективлары, яшьләр һәм иҗтимагый оешмалар вәкилләре, район үзәге мәктәпләре укучылары һәм Аксубай техникумы студентлары катнашты. Мәңгелек ут янында мактаулы Хәтер вахтасын «Форпост»отряды членнары алып барды. ⁣ Митингны район башлыгы Алмаз Мингулов ачып җибәрде. «Бу көнне без Бөек Ватан сугышы геройларын, Социалистик Хезмәт Геройларын һәм махсус хәрби операция геройларын хөрмәтлибез, - дип билгеләп үтте ул. — Бу бәйрәм илебез һәм республикабыз өчен барысын да эшләгән кешеләргә багышлана. Без алар белән горурланабыз. Яшьләрнең патриотик хәрәкәтләре — Юнармия, «Форпост», «Беренчеләр хәрәкәте»актив кушылуын күрү аеруча сөендерә. Бу безнең геройларыбыз истәлегенә  хөрмәт күрсәтү". ⁣ Район башлыгы шулай ук җәмәгать оешмалары вәкилләренә МХОда катнашучыларга һәм аларның гаиләләренә ярдәмнәре өчен рәхмәт белдерде. "Безнең һәрберебез уртак Җиңүгә үз өлешен кертә", - дип ассызыклады Алмаз Мингулов. ⁣ Митингта катнашучылар һәлак булган геройларны бер минут тынлык белән искә алдылар һәм Мәңгелек утка кызыл канәферләр салдылар.