Җанны дәвалый торган музыка: яшь талантлар безнең тәрбияләнүчеләрдә кунакта!

  Инвалидлар ункөнлеге кысаларында социаль хезмәт күрсәтү бүлеге хезмәткәрләре үз тәрбияләнүчеләре өчен өйләренә махсус музыкаль визит оештырды. Социаль хезмәтләр алучыларга кунакка яшь, әмма шундый талантлы баянчылар,Татарстан Республикасының атказанган мәдәният хезмәткәре Н.С. Крайнова шәкертләре — Рамзан һәм Тимофей килде. Балалар социаль хезмәтләр алучыбыз  хөрмәтле ханым Зинаида һәм аның улы Алексей өчен яраткан көйләрен башкардылар, шулай ук бу искиткеч мини-концертны караган оныкларына  да шатлык бүләк иттеләр! Җанлы музыка, яшь музыкантларның ихлас елмаюы һәм өйнең җылы атмосферасы  бу визитны күңелгә үтеп керерлек  ятышлы итте. Һәркемнең күзләре бәхеттән балкып торды, ә баян көйләре өйнең һәр почмагын шатлык хисе белән тутырган кебек тоелды. Мондый чаралар кәефне күтәрүгә һәм бәйрәм рухы тудыруга гына түгел, ә социаль изоляция хисен җиңүдә дә зур роль уйный. Алар сәнгатьнең матурлыгын искә төшерә, якты хисләр бирә, тормышка кызыксыну уята һәм, иң мөһиме, яшьләрне һәм өлкәннәрне бер уртак изге эшкә берләштереп, буыннар арасындагы элемтәләрне ныгыта. Рамзан, Тимофей һәм аларның искиткеч остазы  Наилә Сәет кызына талантлары, ихласлыклары өчен зур рәхмәтебезне белдерәбез! Мондый якты мизгелләр мөмкин кадәр күбрәк булсын!