Яңа ел бәйрәмнәре алдыннан Аксубай бистәсе республиканың әйдәп баручы предприятиеләренең берсе — «Татнефть»ГАҖ ярдәме белән бизәлде.

  Компания Аксубай шәһәр тибындагы бистәсе администрациясенә үзәк урамнарны һәм җәмәгать киңлекләрен бәйрәмчә бизәү өчен яңа ел утлары инсталляцияләре комплектын тапшырды. Бизәү әйберләре-утлы фигуралар, чыршылар һәм тематик композицияләрне кертеп - бистәдәге кышкы атмосфераның аерылгысыз өлешенә әверелде. Караңгы төшү белән Аксубайның үзәк өлеше җанлана, бирегә  утларга соклану һәм елның иң яхшы вакыты якынлашуын тою өчен төрле яшьтәге кешеләр килә.  Юмарт  өчен «Татнефть» ГАҖгә чын күңелдән рәхмәт белдерәбез!