Декабрьнең сезонлы продуктлары.

  Декабрь – салкыннар һәм кояш яктысы җитмәү вакыты, организм витаминнарга, файдалы микро - һәм макроэлементларга мохтаҗ. Кыш көне рационның төрлесе булырга тиеш: аңа ит тә, балык та, сөт продуктлары да,  тозлаган йорт ризыклары да керә. Яшелчәләр, җиләк – җимеш һәм яшеллек-файдалы элементларның төп чыганаклары турында онытырга ярамый. Кышкы рационга традицион яшелчәләр: бәрәңге, кишер, чөгендер, башлы суган, шалкан һәм кабак керми калмаячак. Ашамлыкларны цикорий, сельдерей, салат белән төрлеләндерергә мөмкин. Ә бәрәңгене алыштырасы килсә-пастернак белән топинамбур бар. Җимешләргә килгәндә, декабрьдә популярлык пигында цитруслылар: әфлисун, мандарин, грейпфрут, лимон, помело, лайм, свити. Бу җимешләрнең файдасын бәяләп бетерерлек түгел: аларда С витамины күп, ул иммун системасын ныгыта, яраларны төзәлүне тизләтә һәм башка бик күп функцияләрне башкара. Цитруслылар нерв системасын һәм баш миен сәламәтләндерү өчен кирәкле В төркеме витаминнарына да бай. Җимешләрдә шулай ук пектиннар – ашкайнату өчен файдалы таралучан клетчатка күп. Алмалар турында онытмагыз-декабрьдә беренче планга кышкы сортлар чыга. Хөрмә, гранат, киви, груша, айва сезоны дәвам итә. Авокадоны да онытырга  кирәкми-гадәттән тыш файдалы продукт. Ул олеин кислотасына бай, составында омега-3 һәм омега-6 кислоталары,  майлар, калий, К һәм В9 витаминнары, күп клетчатка бар; ачлыкны бик яхшы баса һәм гәүдә авырлыгын киметергә ярдәм итә. Авокадо төрле ризыклар: балык, салат, йомырка белән яраша. Рационыгызны мөмкин кадәр төрлерәк итәргә тырышыгыз, сыйфатлы җиләк-җимеш һәм яшелчәләрне сайлагыз.