Коррупциягә каршы квест уен
Иске Илдерәк мәктәбендә укучылар коррупциягә каршы көрәш мәсьәләләре буенча башлык ярдәмчесе Крайнова Эльмира Җәүдәт кызы һәм тәрбия буенча киңәшчеләрнең муниципаль кураторы Хәйруллина Наталья Геннадьевна белән очрашты.
Крайнова Э.З. 8 – 9 класс укучылары белән Халыкара коррупциягә каршы көрәш көненә багышланган "Своя игра" исемле кызыклы һәм танып белү чарасы үткәрде. Чараның максаты: югары сыйныф укучыларының коррупция һәм хокук темасына белем һәм күзаллау дәрәҗәсен тикшерү, коррупциягә каршы дөньяга караш формалаштыру.
Уен 2 раундтан торды. Ике команда терминнарны белүдә ярышты, әдәби герой-коррупционерларны таныды, сүзләрдән мәкальләр төзеде һәм коррупция барлыкка килү тарихы турында фактлар белде.
Уен ахырында укучылар коррупция – көрәшергә кирәк булган җинаять дигән нәтиҗә ясадылар. Коррупциягә каршы тору-ул тулаем җәмгыять эше һәм безнең һәрберебезнең эше. Коррупциягә каршы символикалы призлар һәм белешмәләр таратылды.