Аксубай муниципаль районында район башлыгы Алмаз Мингулов рәислегендә Советның дүртенче утырышы узды
Утырыш эшендә район Советы депутатлары, авыл җирлекләре башлыклары һәм район җитәкчеләре катнашты.
Совет утырышы үзенчәлекле вакыйга — лаеклы бүләкләр тапшыру белән билгеләп үтелде!
Татарстан Республикасы «Ана даны — Материнская слава» медален биш бала анасы Анастасия Владимировна Миронкина алды.
Татарстан Республикасы Министрлар Кабинеты Рәхмәт хаты белән бүләкләнделәр:
• Валерий Зиновьевич Николаев, Урмандеево авыл җирлеге башлыгы;
• * Рәмис Рәҗәп улы Нуретдинов, Яңа Ибрай авыл җирлеге Башкарма комитеты җитәкчесе урынбасары;
• Ирина Николаевна Александрова, Аксубай бистәсе идарәче компаниясенең баш бухгалтеры.
«Бердәм Россия» партиясенең яңа әгъзалары партия билетлары алды.
Тантаналы өлештән соң көн тәртибе буенча район өчен мөһим мәсьәләләр буенча фикер алышуга күчтеләр. Утырыш нәтиҗәләре буенча тиешле карарлар кабул ителде.