Татарстан Росреестры геодезия пунктларының урынын үзгәртү процедурасын аңлатты.

  Татарстан Росреестры экспертлары ведомство эшчәнлегенә бәйле сорауларга җавап бирүләрен дәвам итәләр. Төзелеш эшләре алып барылачак җир кишәрлегендә геодезия пункты табылса, бүген нинди чаралар күрергә кирәклеген аңлатырбыз. Дәүләт җир күзәтчелеге, геодезия һәм картография бүлегенең баш белгеч-эксперты Радик Хәсәншин җавап бирә: - Әгәр планлаштырылган төзелеш эшләре зонасында геодезия пункты табылса, билгене башка урынга күчереп булмый. Канунда башка процедура каралган, атап әйткәндә, гамәлдәге пунктны юкка чыгару һәм бер үк вакытта уңайлырак урында яңасын булдыру мөмкинлеге каралган. Бу процессны башлап җибәрү өчен кызыксынган затка (төзүчегә, подрядчикка, җир кишәрлеге милекчесенә) Татарстан Росреестрына ликвидацияләү кирәклеген дәлилләп мөрәҗәгать җибәрергә кирәк. Пунктны алга таба эксплуатацияләү кешеләр тормышы өчен куркыныч, яшәү өчен мөһим инфраструктура эшенең бозылуы яки планлаштырылган эшләр геодезия билгесенең сакланышына турыдан-туры куркыныч тудыру очраклары нигез булып тора ала. Уңай карар алгач, кызыксынган оешма Татарстан Республикасы буенча «Роскадастр» гавами-хокукый компаниясенә мөрәҗәгать итәргә тиеш, ул мондый эшләрне башкару өчен бердәнбер вәкаләтле структура булып тора. Әгәр төзелеш эшләрен пунктның билгеләнгән сак зонасыннан читтә алып барырга мөмкин булса, яки сүз куркынычсызлык өчен куркыныч тудырмый торган фундаменталь челтәр пункты турында барса, юкка чыгарудан баш тартылачак. Исегезгә төшерәбез, геодезия пунктларының саклау зоналары чикләрендә аларга зыян китерергә яки юкка чыгарырга мөмкин булган теләсә нинди эшчәнлек тыела. Картография, навигация һәм геодезия өчен мөһим дәүләт әһәмияте булган әлеге объектларның сакланышы өчен хуҗалык эшчәнлегендә катнашкан барлык кешеләр дә җаваплы.