Район башлыгы Алмаз Мингулов җитәкчелегендә атналык киңәшмә узды.

  Район башлыгы Алмаз Мингулов җитәкчелегендә район Советы һәм Башкарма комитетының структур бүлекчәләре, оешмалары җитәкчеләре, авыл җирлекләре башлыклары катнашында атналык киңәшмә узды . Киңәшмәдә йөкләмәләр буенча беркетмә пунктлары каралды һәм гадәттән тыш хәлләр министрлыгы һәм эчке эшләр министрлыгы вәкилләреннән оператив хәл турында докладлар тыңланды. Районда мәгариф системасының торышы һәм үсеш перспективалары турында мәгариф бүлеге начальнигы Рәмзия Зәйдуллина сөйләде. Ул төп күрсәткечләргә анализ ясады, ирешелгән нәтиҗәләрне билгеләп үтте һәм якын киләчәккә төп бурычларны билгеләде. Яңа ел каникулларына планнар турында Башкарма комитет җитәкчесенең социаль мәсьәләләр буенча урынбасары Алексей Тимирясов сөйләде. Районда җылы һәм бәйрәм рухы тудыруга юнәлдерелгән балалар һәм өлкәннәр өчен бәйрәм һәм ял чаралары программасы белән таныштырды.