«Татэнергосбыт» АҖ идарәсендә волонтерлык хәрәкәтенең актив катнашучылары белән тантаналы очрашуда мөхтәрәм кунак сыйфатында район башлыгы Алмаз Мингулов катнашты.

  Бәйрәм чарасында ассызыклаганча, 2022 елдан компания коллективы директор, ТР Дәүләт Советы VII чакырылыш депутаты Рифнур Сөләйманов җитәкчелегендә ярдәм җыюда актив катнаша, МХОда катнашучыларга һәм аларның гаиләләренә гуманитар йөкләр җибәрә. Хезмәткәрләрнең шәхси акчаларына 207 газ баллоны, автотранспорт өчен 7 комплект запас часть, медикаментлар, урын-җир кирәк-яраклары, гигиена чаралары, кием-салым, аяк киемнәре, окоп шәмнәре һәм башка кирәкле әйберләр сатып алынган һәм тапшырылган. Җибәрелә торган ярдәм исемлеге даими рәвештә тулылана. Алмаз Миңгулов алда торган 44 нче гуманитар конвой турында сөйләде.Ул 40 нчысы кебек үк, «Татэнергосбыт» АҖ катнашында оештырылган һәм компания эгидасы астында узачак. Бу юлы сугышчыларга «Нива» автомобилен, мотоцикл, генераторлар, төзелеш материаллары һәм «Бәхетле солдат»посылкаларын илтү планлаштырыла. Башлык  билгеләп үткәнчә, ярдәм якташлар гына түгел, ә башка регионнардан килгән хәрбиләргә дә җибәрелә.Ул компания җитәкчелегенә һәм хезмәткәрләренә даими ярдәмнәре өчен рәхмәт белдерде. Район җитәкчесе Рифнур Сөләймановка һәм «Татэнергосбыт» АҖ коллективына актив гражданлык позицияләре һәм гуманитар ярдәм оештыруга керткән өлешләре өчен Аксубай районыннан Рәхмәт хаты тапшырды. Рифнур Сөләйманов волонтерларга, шул исәптән Аксубай клиентларга хезмәт күрсәтү офисы башлыгы Флүн Зәйнуллинга, МХО сугышчыларына ярдәм җыюда һәм илтеп җиткерүдә актив катнашулары өчен рәхмәт белдереп, Рәхмәт хатлары тапшырды. Флүн Зәйнуллин җавап итеп җитәкчелеккә һәм хезмәттәшләренә ярдәмнәре өчен ихлас рәхмәтен белдерде. Чыганак: https://aksubayevo.ru/news/news/glava-aksubaevskogo-poblagodaril-kollektiv-ao-tatenergosbyt-za-pomoshh-boicam-svo