«Киләчәкне коррупциясез төзибез» интерактив квест-уены.

  Үзәк китапханәдә район башлыгы ярдәмчесе һәм иҗтимагый советы рәисе белән берлектә 3 нче Аксубай урта мәктәбенең 10 нчы сыйныф укучылары өчен «Киләчәкне коррупциясез төзибез» дигән интерактив квест-уен узды. Уен алдыннан балалар видеоролик карадылар һәм коррупциягә каршы көрәш мәсьәләләре буенча башлык ярдәмчесе белән нәрсә соң ул коррупция темасына фикер алыштылар. Һәм аны минимальләштерү өчен нәрсә эшләргә кирәк. Балалар коррупция ул явызлык һәм аның белән көрәшергә кирәк дигән нәтиҗә ясадылар.        Аннары балаларга алты станция үтәргә туры килде. «Коррупция "кроссворды" станциясендә хокукый белемнәрне ныгытып, катлаулы терминнар һәм билгеләмәләрне чиштеләр. «Җавап бир әле " станциясендә җәмгыятьтә коррупция күренешләре һәм аның белән көрәшнең әһәмияте турында фикер алышу булды. «Коррупциягә каршы пазл» станциясендә – гаделлек һәм намусны символлаштыручы пазлларны мини-дискуссияләр белән җыйдылар. «Сорау–җавап " станциясе-белемнәрен гамәлдә кулланып, мөһим сорауларга җавап бирделәр. «Вәзгыять кейсы «дөрес – дөрес түгел» станциясендә-коррупция схемаларын тикшереп каршы тору юлларын эзләделәр. Станция " Нәрсә ул коррупция?"- төрле катлаулылык дәрәҗәсендәге коррупция турындагы сорауларны каралды.         Барлык катнашучылар да коррупциягә каршы символикалы брелоклар алды.