Дөрес кышкы рацион: Роспотребнадзордан киңәшләр.

  Салкыннар башлану белән безнең организмга күбрәк энергия һәм иммунитетка ышанычлы ярдәм кирәк. Кыш буе сәламәт, күтәренке күңелле булып калу өчен, үз туклануыңа аерым игътибар бирү мөһим. Ул баланслы, туклыклы һәм витаминнарга бай булырга тиеш. Татарстан Республикасы буенча Роспотребнадзор идарәсенең территориаль бүлеге кышкы менюга түбәндәге продуктларны кертергә тәкъдим итә: 1. Ит-хайван аксымы һәм тимеренең төп чыганагы. Аксымнар-күзәнәкләр өчен «төзелеш материалы» һәм барлык алмашу процессларының нигезе, ә тимер гемоглобинның нормаль дәрәҗәсен саклау һәм анемияне профилактикалау өчен кирәк. 2. Диңгез балыгы һәм диңгез продуктлары – матдәләр алмашының дөрес нигезе. Аларда файдалы Омега-3 май кислоталары була, алар йөрәк һәм кан тамырлары сәламәтлеген сакларга ярдәм итә, калкансыман бизнең эшен нормальләштерә һәм картаю процессын акрынайта. 3. Цитруслылар (әфлисун, мандарин, грейпфрутлар) – С витаминын (аскорбин кислотасы) кышкы төп тәэмин итүчеләр. Аларның составындагы А һәм Е витаминнары организмга токсиннардан сакланырга ярдәм итә. 4. Авокадо-витамин-минераль составлы уникаль җимеш. Ул тире торышына уңай йогынты ясый, аның дымлылыгын һәм тыгызлыгын арттыра, шулай ук йөрәк-кан тамырлары системасы эшенә ярдәм итә. 5. Хөрмә - чын табигать табибы. Андагы антиоксидантлар вируска каршы тәэсир итә. Хөрмә шулай ук матдәләр алмашын яхшырта һәм бөер өстендәге надпочечниклар эшен стимуллаштыра. 6. Кабак – пектинга, С витаминнарына, А һәм кальцийга бай. Аны даими куллану ашкайнатуны нормальләштерә, эчәклекнең файдалы микрофлорасы үсүгә ярдәм итә һәм гомуми иммунитетны ныгыта. 7. Алма һәм груша-клетчатка һәм флавоноидларның бик яхшы чыганаклары. Алар С витаминына, В һәм К группасы витаминнарына бай.бу җимешләр кандагы холестерин һәм шикәр дәрәҗәсен киметергә ярдәм итә, ә аларның антиоксидант үзлекләре тире сәламәтлеге өчен файдалы. 8. Суган һәм сарымсак-танылган "табигый антибиотиклар". Алар микробларга каршы һәм вируска каршы тәэсирле матдәләр буенча рекордчылар булып торалар, бу салкын тию сезонында аеруча мөһим. Исегездә тотыгыз, дөрес туклану – елның теләсә кайсы вакытында, ә кыш көне-бигрәк тә сезнең иминлегегезнең нигезе. Рационыгызны акыл белән төзегез, үзегезне һәм якыннарыгызны саклагыз! Исән-сау булыгыз!