Аксубайда нефтьчеләргә яңа йорт ачкычлары тапшыру тантанасы булды.

  Яңа ел бәйрәмнәре алдыннан район үзәгендә район өчен әһәмиятле вакыйга – Волков урамындагы яңа торак комплексының беренче чиратын файдалануга тапшыру булды. Ике фатирлы өч заманча йорт муниципалитетның торак фондын тулыландырды. Проект нефть тармагы хезмәткәрләрен торак белән тәэмин итү буенча корпоратив программа кысаларында «Татех» АҖ тарафыннан гамәлгә ашырылды. Төзелешне генераль подрядчы – «Татспецстрой»АҖ башкарды. Кыска вакыт эчендә автомобиль юлы һәм яктыртудан алып инженерлык коммуникацияләренә кадәр тулы инфраструктура булдырылды. Ачылу тантанасында Татарстан Республикасы сәнәгать һәм сәүдә министры урынбасары Дмитрий Гуськов, Аксубай районы башлыгы Алмаз Мингулов, төзүче компанияләр җитәкчеләре һәм яңа фатирга күчүчеләр катнашты. Чара кысаларында символик рәвештә яңа фатир ачкычлары тапшырылды. Волков урамында барлыгы ун торак йорт төзү планлаштырыла, бу районның социаль инфраструктурасын алга таба үстерүгә һәм яшәү өчен уңайлы шартлар тудыруга ярдәм итәчәк.