Иң яхшы татар теле һәм әдәбияты укытучысы.

  25 декабрьдә Аксубай муниципаль районында 2025-2026 елларда «Иң яхшы татар теле һәм әдәбияты укытучысы» Бөтенроссия конкурсының муниципаль этабы узды. «Иң яхшы татар теле һәм әдәбияты укытучысы» Бөтенроссия конкурсы максаты педагогик хезмәткәрләрнең – туган (татар) теле һәм әдәбияты укытучыларының статусын күтәрү, педагогик тәҗрибә һәм һөнәри осталык конкурсы. Читтән торып үткән тур йомгаклары буенча муниципаль этапның икенче турына Аксубай муниципаль районының 3 мәктәбеннән 3 конкурсант үтте. Педагоглар үзләрен 2 сынауда – «Дәрес» һәм «Мастер-класс»та тәкъдим иттеләр. Муниципаль этап нәтиҗәләре буенча җиңүчеләр һәм призерлар билгеләнде. III урынны Исаева Гөлсинә Мансур кызы (МБОУ «Савгачевская СОШ») , икенче урынны Кадыйрова Гүзәлия Рафиковна (МБОУ «Староибрайкино СОШ») алды. Бәйгедә беренче урынны Аксубай 3 нче урта мәктәбе татар теле һәм әдәбияты укытучысы Билалова Зилә Марс кызы яулады. 2025-2026 елларда «Иң яхшы татар теле һәм әдәбияты укытучысы» Бөтенроссия конкурсының муниципаль этабы җиңүчеләрен һәм призерларын чын күңелдән котлыйбыз!!!