Аксубай "Юность" спорт комплексында Илшат Хәмидрахимов истәлегенә баскетбол турниры узды.

  Бу инде алтмыштан артык баскетболчыны җыйган дүртенче шундый чара. Турнирны ачу тантанасын район башлыгы Алмаз Минвазых улы Мингулов һәм Илшатның әнисе Резеда Нәгыйм кызы үткәрде. Ярышлар дуслык һәм үзара ярдәмләшү атмосферасында узды, командалар югары дәрәҗәдәге осталык һәм бердәмлек күрсәтте. Барлык катнашучылар да әлеге мөһим вакыйганы оештыруга зур өлеш керттеләр. Илшат Хәмидрахимовка багышланган Турнир спорт ярышына гына түгел, ә геройның истәлегенә хөрмәт белдерү ысулына да әверелде. Илшат Хәмидрахимов Аксубай районы Мюд бистәсендә туа. Балачактан ук хәрби булырга хыяллана, баскетбол, чаңгы, футбол, волейбол, җиңел атлетика белән мавыга. Баскетбол, волейбол, футбол буенча район җыелма командасы әгъзасы була. Күп тапкырлар мәктәп данын гына түгел, республика ярышларында район данын да яклый. Аның тормышы вакыйгаларга бай була: ул Ерак Көнчыгышта һәм Сүриядә хезмәт итә. Махсус операция зонасында күрсәткән батырлыгы һәм кыюлыгы өчен өлкән лейтенант РФ Президенты Владимир Путин Указы белән Батырлык ордены белән бүләкләнде.