Район башлыгы матбугат ветеранын юбилее белән котлады.

  Район башлыгы Алмаз Мингулов редакция ветераны Разия Мостафинаны 80 яшьлек юбилее белән котлады. Ул аның район полиграфия хезмәте эшенә керткән зур өлешен билгеләп үтте, район газетасын вакытында чыгаруда аның тырышлыкларының әһәмиятле булуын ассызыклады. Алмаз Минвазыхович озак еллар фидакарь хезмәте өчен юбилярга рәхмәт белдереп , Рәхмәт хаты, чәчәкләр һәм истәлекле бүләк тапшырды. Разия Харисовнаның төп теләкләре арасында-2022 елдан бирле махсус хәрби операция зонасында хезмәт итүче оныгының тизрәк кайтуы. Күптән түгел генә  аның белән телефоннан сөйләшкән һәм берничә атнадан соң кыска вакытлы ялга кайтуын көтә әбисе.