Хөрмәтле Аксубайлылар! Сезне Ватанны саклаучылар көне белән котлыйм!

  Бу көн-батырлык, намус һәм кыюлык символы. Без төрле тарихи чорларда Ватаныбызны саклауда торган һәм бүген махсус хәрби операциядә катнашкан һәр кешегә хөрмәт күрсәтәбез. Бүгенге көндә мобилизацияләнгәннәр һәм контрактчылар сафында ике йөздән артык аксубайлы. Сез мөһим миссияне үтисез-без сезнең белән горурланабыз! Җиңү безнең кулда булыр дип ышанабыз! ⁣Батырлыклары һәм фидакарьлекләре белән башларыбыз өстендәге тыныч күк йөзен яулаган Бөек Ватан сугышы ветераннарына аерым рәхмәт сүзләрен җиткерәбез. Сез-безнең горурлыгыбыз һәм үсеп килүче буын өчен үрнәк. Тыл хезмәтчәннәре турында да онытмыйбыз, алар авыр вакытларда фронтка ярдәм иткәннәр, үз көчләрен һәм хезмәтләрен уртак эшкә салганнар. Сезнең җиңүгә керткән өлешегез бәяләп бетергесез! Әфганстандагы сугышта һәм илебез мәнфәгатьләрен яклап ныклык һәм батырлык күрсәткән башка локаль конфликтларда катнашучыларны хөрмәт һәм рәхмәт белән искә алабыз. Сезнең батырлык мәңгегә безнең хәтердә калачак. Ватанны саклаучылар көнендә барлык ир-ат волонтерларны, гуманитар кәрван йөртүчеләрне бәйрәм белән котлыйм. Дүртенче ел тылда җиңү яулана,сезнең ярдәм аша безнең яклаучылар белән элемтә гамәлгә ашырыла һәм МХО зонасына гуманитар ярдәм, махсус чаралар, автомобильләр һәм барлык кирәкле әйберләр илтеп тапшырыла. Аксубай районында яшәүчеләргә ныклы сәламәтлек, бәхет һәм тыныч күк йөзе телим. Сезнең һәркайсыгыз үз иле, республикасы, районы өчен горурлык һәм иртәгесе көнгә ышаныч тоеп яшәсен! Алмаз Миңгулов, Аксубай муниципаль районы башлыгы