Технология буенча олимпиада призерлары

  Казанда 2025-2026 уку елында хезмәт (технология) буенча Бөтенроссия укучылар олимпиадасының төбәк этабы узды. 2026 елның 11-15 февралендә Идел буе университеты базасында Татарстан Республикасының 22 районыннан 119 укучы үз белемнәрен һәм осталыкларын күрсәтте .Хезмәт (технология) буенча Олимпиада гадәттәгечә өч турда узды: - теоретик, - гамәли, - проектларны яклау. Катнашучылар ике профиль буенча ярыштылар: - "Йорт мәдәнияте, дизайн һәм технологияләр" , - "Техника, технология һәм техник иҗат». Аксубайның 3 нче урта мәктәбе укучылары Сетров Филипп (10 нчы сыйныф) һәм Кириллов Денис (8 нче сыйныф) «Техника, технологияләр һәм техник иҗат»профиле буенча мәктәп укучыларының хезмәт (технология) буенча Бөтенроссия олимпиадасының төбәк этабы призерлары булдылар. Олимпиадада катнашучыларны югары нәтиҗәләргә ирешүләре белән котлыйбыз, шулай ук укытучы-остаз Макаров Юрий Никитовичка балаларны һөнәри әзерләгәннәре өчен, ә ата — аналарга аларның уңышларына ышанганнары өчен рәхмәт белдерәбез!