Кече торак пунктларда өй интернетына ихтыяҗ турында сораштыру узарга бер ай калды.
Цифрлар министрлыгы дәүләт элемтәнең база инфраструктурасын булдырган,
әмма өй интернетын әлегә кулланып булмый торган авыллар халкы арасында
сораштыру үткәрә. Бу реаль ихтыяҗны бәяләү һәм аерым йорт хуҗалыкларын
тоташтыру өчен чишелешләр әзерләү өчен кирәк.
Сораштыруга меңнән азрак кеше яшәгән һәм мәктәпләрне, хастаханәләрне,
администрацияләрне интернетка тоташтыру яки мобиль элемтә белән тәэмин итү
өчен дәүләт җепселле-оптик линияләр керткән авыллар керә.
Сораштыру 2026 елның 30 мартына кадәр дәвам итәчәк.
Кем катнаша ала
Россиянең барлык гражданнары дәүләт хезмәтләрендә расланган хисап язуы
белән. Торак пунктны теркәлү урынына карамастан исемлектән сайлап алырга
мөмкин.
Ничек тавыш бирергә
1 Кире элемтә платформасына керегез һәм дәүләт хезмәтләре аша
авторизацияләнегез
2 Тавыш бирергә теләгән төбәкне һәм торак пунктны ике исемлекнең берсендә
сайлагыз:
беренче исемлек: https://pos.gosuslugi.ru/lkp/polls/583426/
икенче исемлек: https://pos.gosuslugi.ru/lkp/polls/568138/
3 Үз хуҗалыгыгызның төгәл адресын языгыз
4 Әгәр Сезгә Өй Интернеты үткәрсәләр, элемтә операторы белән килешү төзергә
әзерме икәнегезне күрсәтегез.
5 Тавышыгызны җибәрегез
Тавышлар ничек исәпкә алыначак
Халык үз торак пункты өчен күбрәк тавыш биргән саен, нәкъ менә анда өй
интернетына тоташу мөмкинлеге барлыкка килү ихтималы да зуррак.
Киләчәктә торак пунктта шундый мөмкинлек туса, хезмәттән файдалану карарын
һәр кеше үзе өчен уңайлы шартларда кабул итәчәк. Сораштыруда катнашу
тоташуга гариза булып тормый һәм бернәрсәгә дә мәҗбүр итми — бу бары тик
ихтыяҗ турында белдерү ысулы гына.
Max тагы цифрлар министрлыгына язылыгыз