Узган ялларда Беловка авылында уникенче тапкыр «Беловка чаңгы юлы»ачык чаңгы ярышы узды.
Салкын булуга карамастан, стартка Татарстанның Аксубай, Чистай, Нурлат, Зәй
районнарыннан һәм Самара өлкәсеннән 70тән артык кышкы спорт сөюче чыкты.
Ярышлар Россия халыклары бердәмлеге елына, Татарстанда хәрби һәм хезмәт
батырлыгы елына һәм махсус хәрби операция барышында һәлак булган якташлар
истәлегенә багышланды, - ачылу тантанасында геройларның исемнәре яңгырады,
җыелганнар батырлыкларын бер минут тынлык белән хөрмәтләде, ә геройларның
якыннарына истәлекле бүләкләр тапшырылды.
Оештыручылар идеаль трасса, фотокүргәзмә , кайнар ботка һәм чәй белән кыр
кухнясы әзерләделәр, ә җиңүчеләр иганәчеләрдән бүләкләр алды, аларга
ярдәмнәре өчен аерым рәхмәт әйтәсе килә.
Чаңгы юлында яшь спортчылар да, ветераннар да булуы сөендерә — димәк,
буыннар элемтәсе яши, ә спорт кешеләрне берләштерә. Һәр катнашучыга һәм
җанатарга рәхмәт, киләсе елда «Беловка чаңгы юлында» очрашуга кадәр!