Районда экологик икеайлык башлана

  Эрегән кар астыннан чыккан чүп-чар бистә урамнарында, административ биналар, йортлар каршында, паркларда һәм скверларда ямьсез күренеш калдыра. Санитар экологик икеайлыкта чисталык урнашырга тиеш. Ул 1 апрельдән башлана һәм 31 майга кадәр дәвам итәчәк. Эшлекле дүшәмбедә район башлыгы Алмаз Мингулов хәбәр иткәнчә, экологик марафон үз төрендә милек формасына бәйсез предприятиеләр һәм оешмаларны, шәхси предприятиеләрне һәм районның аерым халкын үз эченә алырга тиеш. Өмәләр оештыру өчен җирнең кипкәнен яки җылынганын көтәргә кирәкми. Кар эрегән саен, территорияләрне җыештыру белән шөгыльләнергә, ә кайбер урыннарда, процессны тизләтү өчен, кар өемнәрен таратырга кирәк. Район башлыгы хезмәт коллективларын, район халкын билгеләнгән даталар белән генә чикләмәскә, ә мөмкин булганча өмәләр уздырырга өндәде. Елның иң мөһим бәйрәме - Җиңү көненә чүп-чарны җыеп, агачлар һәм бордюрларны агартып, коймаларны буяп, чәчәк түтәлләре ясап, чисталык һәм тәртип урнаштырырга кирәк.