Татарстан Росреестры җир кишәрлекләрен үзләштерү срокларын аңлатты

  Татарстан Росреестрында торак пунктларда һәм бакчачылык ширкәтләрендә җир кишәрлекләреннән файдалану мәсьәләләре буенча кайнар линия узды. Ике сәгать эшләү дәверендә гражданнардан йөздән артык шалтырату килгән.   Кайнар линиягә йомгак ясап, дәүләт җир күзәтчелеге, геодезия һәм картография белгечләре түбәндәге моментларга игътибар итә. Әгәр торак пунктлар җирләре составындагы җир кишәрлекләренә, шулай ук бакча яисә яшелчә җир кишәрлекләренә хокук 2025 елның 1 мартына кадәр барлыкка килгән булса, хокук иясендә алардан файдалануга шул ук датадан керешү бурычы барлыкка киләчәк. Әгәр җир кишәрлекләренә хокук 2025 елның 1 мартыннан соң барлыкка килгән булса, үзләштерү чараларын хокук барлыкка килгән вакыттан алып 3 ел дәвамында үткәрергә кирәк. Әгәр җир кишәрлеген хокук алганнан соң ук файдаланып булмаса, хокук иясе аны үзләштерү буенча чаралар уздырганнан соң файдалана башларга тиеш. Җир кишәрлеген үзләштерү-хокук иясе тарафыннан җир кишәрлеген максатчан билгеләнеше һәм рөхсәт ителгән файдалану нигезендә файдалану өчен яраклы хәлгә китерү чараларын үтәү ул. Җир кишәрлеген үзләштерү өчен нәрсә эшләргә кирәк? - чүп үләннәрдән, артык агачлардан һәм куаклардан азат итәргә; - чүп-чарны җыярга; - калдыклардан һәм пычраклардан чистартырга;  артык дымлы участокны киптерергә һәм киптерелгән участокны дымландырырга; - Җирләрне рекультивацияләү;  грунтны эшкәртергә, тыгызларга, ныгытырга, күчерергә; - рельефны тигезләргә, өемнәрне һәм чокырларны бетерергә. Торак пунктлар җирләре составындагы җир кишәрлекләрен, бакча һәм яшелчә җир кишәрлекләрен үзләштерү срогы өч ел тәшкил итә. Исегезгә төшерәбез, төзелеш өчен билгеләнгән җир кишәрлекләре өчен җир кишәрлегенә хокук рәсмиләштерелгәннән соң 5 ел дәвамында төзелгән һәм рәсмиләштерелгән бинаның, корылманың булмавы файдаланылмау билгесе булып тора. ИЖС өчен билгеләнгән җир кишәрлекләре өчен индивидуаль торак йорт төзү һәм аңа хокукны теркәү срогы җир кишәрлегенә хокук рәсмиләштерелгән вакыттан алып 7 елга кадәр тәшкил итә. Әгәр җир кишәрлегендә бина яки корылма төзелгән булса, аларны тиешле хәлдә тотарга, түбә, стена җимерелүенә, тәрәзә яки тәрәзә пыялалары төшүенә юл куймаска кирәк. Әгәр мондый җимерелүләр була икән, милекче участокның торышы теркәлгәннән соң 1 ел эчендә биналарны яки корылмаларны торгызуга керешергә тиеш. Югыйсә бу шулай ук җир кишәрлегеннән файдаланмау турында сөйли.