ОРВИ җәй көне

  Ни өчен җәй көне шулай ук ОРВИ очрый? Урамда җылы, салкын тию өчен шартлар юк бит. Чынлыкта, респиратор вируслар ел әйләнәсе яшәргә сәләтле, шуңа күрә яз да, җәй дә алар белән очрашудан сакламаячак. Җәй көне без  кондиционер кабызабыз, сулыкларда су коенабыз, балалар бигрәк тә суда күп вакыт үткәрергә яраталар. Өшү яки, киресенчә, артык җылыну организмның саклану көчен киметә һәм аны вирусларга бирешүчәнрәк итә. Җәй көне инфекция кышын кебек үк башлана. Җәй көне респиратор инфекцияләрнең үзенчәлекләре -Респиратор вируслар ел әйләнәсе яшәргә сәләтле, шуңа күрә җәй алардан саклану гарантиясе булып тормый. Җәй көне респиратор вирусларга эчәк инфекцияләренә керә торган энтеровируслар яки ротавируслар китереп чыгара торган авырулар өстәлергә мөмкин. -Җәй көне инфекция йоктыру куркынычын арттыра торган факторлар: коенганда өшү, кондиционерлы бинада озак вакыт булу, суытылган эчемлекләр куллану, авыру кешеләр янында булу. Организмның артык җылынуы  шулай ук аның саклану көчен киметә һәм вирусларга бирешүчәнрәк итә. -ОРВИны сезонлы аллергиядән аеру мөһим. Аллергия вакытында симптомнар урамда серкә белән контактта булганда көчәя, ә бинада хәл яхшыра. ОРВИ вакытында томау һәм хәлсезлек сез эсседә яки салкынча бүлмәдә булуыгызга карамастан дәвам итә, еш кына температура күтәрелү белән бергә бара һәм гадәттә 7-10 көн дәвамында уза. Профилактика чаралары   Гигиена. Кулларны даими рәвештә сабын белән юарга, сабын булмаганда спиртлы антисептиклар кулланырга. Өслекләрне (өстәлләрне, ишек тоткаларын һ.б.) даими эшкәртергә. Дистанцияне һәм этикетны саклау. Башка кешеләрдән 1,5 метрдан да ким булмаган араны тотарга, биткә кул белән кагылмаска. Йөткергәндә яки төчкергәндә авызны һәм борынны бер тапкыр кулланыла торган тастымаллар белән капларга. Битлекләр куллану. Битлекләрне кешеләр күпләп җыелган урыннарда һәм җәмәгать транспортында ОРВИ авырулары күтәрелгәндә, авыруларны караган вакытта, шулай ук респиратор авырулар симптомнары булган кешеләр белән аралашканда кияргә. Сәламәт яшәү рәвеше. Иммунитетны ныгыту: җитәрлек йокы тәэмин итү, баланслы туклану, физик активлык белән шөгыльләнү. Биналардагы температураны һәм шартларны контрольдә тоту. Бозлы һава агымын үзеңә юнәлтмәскә, температураны 21 градустан да түбәнрәк куймаска. Салкын суда коенмаска (өлкәннәр өчен тәкъдим ителгән температура — 18 градустан түбән түгел, балалар өчен — 22 градустан түбән түгел). Авыру симптомнары барлыкка килгәндә-өйдә калырга һәм табибка мөрәҗәгать итәргә. Өстәмә тәкъдимнәр Эчү режимы. Минераль су, салкын чәй, квас, морслар, татлы булмаган лимонадларны да кертеп, кулланыла торган сыеклык күләмен арттырырга. Туклану. Витаминнарга бай сезонлы җиләкләр һәм җиләк-җимешләр кулланырга.  Йокы туйганчы йоклау.  Авыргансыз икән, аралашуны чикләгез! Инфекцияне таратмагыз. Иммун системасы какшаган кешеләр өчен хәтта гади ОРВИ да куркыныч булырга мөмкин. Дәвалауны игътибарсыз калдырмагыз, җәй һәм кыш көннәрендә бер үк дәрәҗәдә үпкә ялкынсынуы, отит, гайморит кебек бактериаль өзлегүләр барлыкка килергә мөмкин. Әгәр авыру симптомнары көчәя, яңалары барлыкка килә, температура озак төшми яки яңадан күтәрелә икән-табибка мөрәҗәгать итегез. Сәламәтлегегезгә ел буе игътибарлы булыгыз! Нурлат территориаль бүлеге