Татарстан абитуриентлары югары уку йортына яки көллияткә керү өчен документларын почта аша җибәрә ала.

20 июньдә Россия югары уку йортларында һәм көллиятләрендә кабул итү кампаниясе старт ала. Мәктәпне тәмамлаучылар сайланган уку йортына керү өчен документларны республиканың теләсә кайсы почта бүлекчәсенә җибәрә алалар. Россия почтасы документларны куркынычсыз  җибәрүләрнең берничә вариантын тәкъдим итә. Абитуриентлар документларны заказлы хат, игълан ителгән кыйммәтле бандероль, кертемнәрнең исемлеге һәм тапшыру турында хәбәрнамә, шулай ук экспресс-отправление (EMS) белән җибәрә алалар. Алдан түләнгән юлламалар сервисы ярдәмендә мәктәпне тәмамлаучылар почта сайтында юлламаны мөстәкыйль рәвештә рәсмиләштерә һәм түли, ә аннары почта бүлекчәсендә операторга чиратсыз тапшыра алачак. Документлар вакытында килеп дөрес адрес буенча китерелсен өчен, почта хезмәткәрләре аларны алдан җибәрергә киңәш итә. Шулай ук почта бүлегендә биреләчәк квитанцияне саклап калырга кирәк. Анда хатны сайтта яки Россия Почтасының мобиль кушымтасында күзәтү өчен кирәк булачак трек-номер күрсәтелгән. Уку йортларына документларны мөмкин кадәр тизрәк җибәрү өчен абитуриентлар EMS экспресс-җибәрүеннән файдалана алалар. Россия Почтасы курьеры документларны клиент өчен уңайлы урында алачак һәм шунда ук түләүне кабул итәчәк. Мондый хатлар өчен төргәкләрне Почта бушлай бирә. «Курьерлар аша китерү сервисы-корреспонденцияне җибәрүнең иң уңайлы һәм тиз ысулларының берсе.Шулай ук, абитуриентның югары уку йортына барлык кирәкле документларны тапшыруын гарантияләү өчен, без кертемнәрнең исемлеген рәсмиләштерергә тәкъдим итәбез. Аны документлар пакетын формалаштырганда өйдә онлайн тутырырга һәм принтерда бастырып чыгарырга мөмкин. Хатны югары уку йортына яки көллияткә китергәч, сезгә кире кайтарылачак кәгазь яки электрон хәбәрнамә документлар алу турында документаль дәлил булып торачак", - дип билгеләп үтте Россия Почтасының республика идарәсе директоры Илнур Мәхмүтов.