«ТНВ» телекомпаниясе 2021 елның 10 декабрендә Аксубай районында булды
«ТНВ» телекомпаниясе 2021 елның 10 декабрендә безнең районда булды. «Ай да Татарстан!» тапшыруы июль аенда чуаш халкының «УЯВ» бәйрәменә әзерлеге турында сөйләде. Тапшыру районда декабрь аенда Такталы авылында «Каз өмәсе», «Сөмбел әби серләре», Беловка авылында « Кĕрхи сăра» бәйрәмен үткәрү традицияләре белән танышты.
«Каз өмәсе» һәрвакыт үзенчәлекле гаилә вакыйгасы булып тора. Каз итен, каурын һәм йонын күмәк эшкәртү җыр-биюләр, күңелле уеннар белән үрелеп бара.
Тактала мәдәният йорты методисты авыл тарихы турында сөйләде, милли татар чигүен күрсәтте.
Тактала авылында төшерелгәннән соң телевизион төркеме Беловка авылына юнәлде. Беловка Мәдәният йорты белгечләре Андреева Тамара һәм Шазаманова Нәргилә, шулай ук танылган «Хамар ял» чуаш җырының фольклор коллективы кунакларны җыр-бию, чуаш көйләре белән каршы алды. Менә дигән хуҗабикә Нина Кожеманова йортында чуаш яшь сырасы белән сыйладылар һәм әзерләү серләрен ачтылар. Һәр чуаш гаиләсенең буыннан-буынга тапшырылучы үз рецепты бар. Авыл сакчысы элек-электән чуашлар һәм татарлар авылда бергә эшлиләр, бәйрәмнәр үткәрәләр, халык ашларын «үз» һәм «чит»кә бүлмиләр, дип сөйләде.
Кино төшерү төркеме шулай ук «Сөмбел әби серләре» татар мәдәнияте бәйрәмендә дә булдылар. Аксубай районы башлыгы К.К. Гыйлманов Аксубай районының чуашлар, татарлар, руслар дуслыгы һәм бердәмлеге, Туган телләр һәм халык бердәмлеге елында мәдәни чараларны гамәлгә ашыру, кунакчыллыгы һәм традицияләре турында сөйләде.