Электрон түләү документы мошенниклардан ничек саклый ала
40 меңнән артык татарстанлы квитанциянең басма версиясеннән тулысынча баш тарткан. Тик әлегә кадәр түләү документларына гына ышанып тапшыручылар да бар. Әмма цифрлы технологияләр заманында бу уңайдан борчылмаска мөмкин. Нигә? Бу хакта алга таба безнең мәкаләдә.
Почта тартмасының булмавы түләү вазыйфаларыннан азат итми.
Квитанцияләр адресатларга барып җитмәү очраклары да була. Мәсәлән, Яңа Салмачы бистәсендә Бакча урамында кайбер йортларда яшәүчеләрнең почта тартмалары урнаштырылмаган. Хат ташучыга квитанцияләр калдырырга урын юк иде. Түләү документлары почта бүлегендә булган. Тик менә күп кенә кешеләр аларны алырга оныткан һәм бурычлары җыелган. Хәл уңай түгел, чөнки счет буенча вакытында түләмәсәң, тулысынча электрсыз калырга мөмкин.
Шулай ук күп фатирлы йортларда кешеләр очраклы рәвештә сезнең квитанциягезне ала алалар. Нәтиҗәдә, документ югалачак. Мондый хәлләрдә аны торгызу өчен халыкка өстәмә рәвештә «Татэнергосбыт» АҖ офисларына яки территориаль участокларына мөрәҗәгать итәргә һәм моның өчен вакытны сарыф итәргә кирәк.
Безнең компания сезгә бик яхшы альтернатива тәкъдим итә -түләү документның электрон версиясен тоташтырырга.
Электрон түләү документын тоташтырырга ярамый, бастырып чыгарырга кирәк…
Электрон түләү документын тоташтырырга, аны бастырырга кирәк түгел…
Тәкъдимдә өтерне кайда куярга икәнен һәркем үзе хәл итә. Ләкин, квитанциянең кәгазь версиясеннән баш тартып, сезнең берничә өстенлегегез барлыкка киләчәк. Иң мөһимнәрнең берсе - аны югалтып булмый.
Өстәвенә, ул басылган квитанция белән чагыштырганда иртәрәк килә. Шулай ук электрон версия кәгазь вариантына тулысынча туры килә. Һәм, хәтта башка шәһәрдә булганда да, сез проблемаларсыз үз хисабыгызны түли алачаксыз. Тагын бер шиксез плюс - барлык мәгълүматлар сакланган. Бу пунктны төгәлрәк ачыкларга теләр идем.
Өстәвенә, кәгазь квитанцияләреннән баш тартып, сез экологияне сакларга ярдәм итәчәксез. квитанцияләрне «Татэнергосбыт» АҖенең почта әрҗәләренә җибәрү өчен генә дә ел саен 100 тонна кәгазь кулланыла. Шул ук вакытта документның электрон версиясенә күчкән гражданнар бу елда инде 48 агачны коткарган!
Электрон версияне тоташтыру өчен, сезгә бары тик берничә эш эшләргә генә кирәк:
1. «Татэнергосбыт» АҖнең шәхси кабинетында теркәлергә;
2. Сул аскы почмакта «Электрон ЕПД ларга язылу» төймәсенә басарга;
3. «Хезмәтләрне тоташтыруга гариза» тәрәзәсендә галочканы «Мин электрон почта аша электрон ЕПД алырга һәм кәгазь рәвештә ЕПД алудан баш тартырга «риза» графасында куярга. Шуннан соң «Подключить» төймәсенә басыгыз.
Хезмәт бушлай кушыла, ә сез үз көчегезне генә түгел, экологияне дә саклыйсыз.