Алкогольле һәм спиртлы продукция сатучы индивидуаль эшкуарлар һәм крестьян (фермер) хуҗалыклары өчен мәгълүмат

Россия Федерациясе Хөкүмәтенең «Этил спирты, алкогольле һәм спиртлы продукция җитештерү һәм аның әйләнеше күләмен исәпкә алуның бердәм дәүләт автоматлаштырылган мәгълүмат системасын алып бару һәм аның эшләве турында» 2020 елның 31 декабрендәге 2466 нчы карары нигезләмәләрен гамәлгә ашыру кысаларында ЕГАИСта индивидуаль эшкуарларга һәм крестьян (фермер) хуҗалыкларына УТМның өй бите аша үз эшчәнлеген гамәлгә ашыру урыннарының барлык адресларын кертү, алга таба FSRAR_ID уникаль идентификаторын бирү мөмкинлеге бирә торган функционал эшләнде. ЕГАИСта мәгълүматны исәпкә алучы индивидуаль эшкуарлар һәм крестьян (фермер) хуҗалыклары үз эшчәнлекләрен гамәлгә ашыру урыннарының барлык адресларын ЕГАИСка кертү һәм программа-аппарат чаралары белән эшләү өчен RSA-ачкыч алу мөмкинлегенә ия. ТР Дәүләт алкоголь инспекциясенең Түбән Кама территориаль органы шәхси эшмәкәрләргә һәм крестьян (фермер) хуҗалыкларына кыска вакыт эчендә үз эшчәнлеген гамәлгә ашыру урыннарының адресларын ЕГАИСка кертергә һәм алкогольле продукция калдыкларын үз адреслары буенча эшчәнлек алып бару урыннарының факттагы булуына туры китерүне тәэмин итәргә тәкъдим итә. Мәгълүмат шулай ук «Росалкогольрегулирование» рәсми сайтында (https://fsrar.gov.ru/news/view/?id=3952) урнаштырылган.