18 гыйнвар көнне Аксубай балалар китапханәсендә «Винни – Пух һәм барысы да, барысы да, барысы да...»дип исемләнгән әдәби сәгать үткәрелде

18 гыйнвар көнне Аксубай балалар китапханәсендә  танылган инглиз язучысы, прозаик, шагыйрь һәм драматург-Алан Милнның  140 еллыгы уңаеннан «Винни – Пух һәм барысы да, барысы да, барысы да» дип исемләнгән әдәби сәгать үткәрелде. Анда «Хыял» балалар приютында тәрбияләнүчеләр катнашты. Балалар язучының тормыш юлы һәм иҗаты белән таныштылар. Әсәрнең төп герое турында бик күп кызыклы мәгълүмат белделәр.  Балалар «Винни – Пух һәм барысы да, барысы да, барысы да» әкиятен кычкырып укуда актив катнаштылар, шулай ук китапханәче «Алан Милнга кунакка»дигән китап күргәзмәсенә күзәтү үткәрде. Әдәби сәгать мультфильм карау белән тәмамланды.