Аксубай район мәдәният йортында тантаналы рәвештә мобилизацияләнгән якташларны озату үткәрелде
2022 елның 28 октябрендә Аксубай район мәдәният йортында тантаналы рәвештә мобилизацияләнгән якташларны озату үткәрелде.
Чараны программаның алып баручысы "хәрби хәрәкәтләр һәм хәрби хезмәт ветераннары бердәмлеге" "Ватанга хезмәт итәм"ветераннарының иҗтимагый оешмасы кураторы Наталья Егорова ачты.
Ватанны саклаучыларны туганнары, дуслары, күршеләре һәм танышлары озатырга килгән.
«Бүген ил язмышы, илебезнең киләчәге хәл ителә. Сез качмадыгыз һәм яшеренмәдегез – чын ирләр кебек эшләдегез. Туганнарыгыз һәм якыннарыгыз гына түгел, бөтен халык сезнең белән горурланалар. Барыгызга да җиңү белән кайтуыгызны телим " - дип мөрәҗәгать итте Аксубай муниципаль районы башлыгы Камил Гилманов. Камил Гилманов мобилизацияләнгән һәр кешегә туганнары һәм якыннары белән элемтәгә керү өчен телефон һәм акчалата ярдәм тапшырды. Шулай ук район мәдәният йорты белгечләре тарафыннан район халкыннан һәм авыл мәдәният учаклары хезмәткәрләреннән йон оекбашлар салынган пакетлар тапшырылды.
Дин әһелләре: Имам-Хатыйб: Насыйров Рафик һәм протоиерей Александр Качаев ир-атларга дога һәм ярдәм сүзләре белән мөрәҗәгать иттеләр.
«Бүген без Ватаныбызның чын сакчыларын озатабыз! Сезгә уңышлар, кыюлык, сәламәт һәм зыянсыз булып кайтуыгызны телим.
Без сезнең белән горурланабыз, егетләр! Повестка алып, Ватанны сакларга лаеклы итеп хәрби комиссариатка килүегез белән горурланабыз. Туганнарыгыз белән бергә һәрберегез өчен борчылабыз һәм сезне өйгә көтеп калабыз!"-дип ,Аксубай һәм Чирмешән районнарының хәрби комиссары подполковник Сергей Иванов мобилизацияләнүчеләргә мөрәҗәгать итте.
Мобилизацияләнүчеләр командасы казанга уку полигонына юл алды. Кайтыгыз! Без сезне өйдә көтәбез.