Һөнәри юнәлеш бирү эшчәнлегенең бердәм моделе.

Район мәктәпләренең 6-11 сыйныф укучылары «Россия – Минем горизонтларым»һөнәри юнәлеш бирү курсының беренче дәресендә катнаштылар. Атна саен пәнҗешәмбе көннәрендә 6-11 сыйныф укучылары төрле һөнәрләр белән танышачак, Россиянең фән һәм технологияләр өлкәсендәге казанышлары, заманча хезмәт базары, перспективалы һөнәрләр һәм белгечлекләр турында беләчәк. Курс һөнәри ориентациянең бердәм моделен (һөнәри ориентация минимумын) гамәлгә ашыру кысаларында кертелгән. "Россия-Минем горизонтларым" курсы 34 дәресне үз эченә ала. Шул ук вакытта һәр дәрес төрле яшь төркемнәренә яраклаштырылган. Балаларны һөнәри юнәлеш диагностикасы һәм тармак дәресләре көтә. Беренче дәрестә укучылар кеше тормышында хезмәтнең мөһимлеге, Россия икътисады тармаклары, төрле һөнәрләр өчен кирәкле күнекмәләр турында белделәр. "Россия-Минем горизонтларым" курсы программасы һәм дәресләр өчен материаллар «Киләчәккә Билет " проектының мәгълүмати ресурсында бар – https://profmin.bvbinfo.ru.