Туган тел һәм әдәбият укытучыларының республика семинары

2023 елның 16 октябрендә Казанда Татарстан Республикасы Мәгариф һәм фән министрлыгы тарафыннан «Яңартылган Федераль дәүләт белем бирү стандартларын гамәлгә ашыру шартларында туган телләрне укытуның методик аспектлары»темасына Туган телләр (чуаш, мари, удмурт, мордва) һәм әдәбият укытучылары семинары узды.

Семинарда барлык районнар катнашты, Аксубай районы биш укытучы катнашты:Савгая урта мәктәбеннән Романова Татьяна Петровна,Иске Савруш төп мәктәбеннән  Васикова Ирина Севастьяновна,  Емелькино урта мәктәбеннән Яковлева Анна Павловна, Иске Үзи урта мәктәбеннән Титова Елена Николаевна, Иске Ильдеряк урта гомуми белем бирү мәктәбеннән Веримова Вера Константиновна.

Васикова Ирина Севастьяновна туган (чуаш) теле укытучылары секциясендә «Иҗади бирем белән имтихан эшләрендә төп хаталар»темасына чыгыш ясады. Романова Татьяна Петровна пленар утырышта үз мәктәбендә  Туган телләр буенча төп дәүләт имтиханын  үткәрү тәҗрибәсе турында сөйләде.

Семинарда катнашучы Аксубай муниципаль районы укытучылары ТР Мәгариф һәм фән министрлыгының Рәхмәт хатлары белән бүләкләнделәр.