Республика конкурсының зона этабы лауреаты.

2023 елның 25 октябрендә Чүпрәле муниципаль районының «Солнышко» Иске Чүпрәле балалар бакчасында «Туган чуаш телендә мәктәпкәчә белем бирү программаларын гамәлгә ашыручы иң яхшы педагог» республика конкурсының зона этабы узды, анда Аксубай, Нурлат, Алексеевск, Буа, Чүпрәле, Чирмешән, Чистай, Әлки һәм Лениногорск районнары педагоглары катнашты. Аксубай муниципаль районы исеменнән Иске Илдерәк балалар бакчасы тәрбиячесе Наталия Васильевна Глазкова чыгыш ясады. Конкурста катнашучыларга үзләрен түбәндәге конкурс биремнәрендә күрсәтергә кирәк иде: эссе Минем педагогик табышым; чуаш телендә балалар белән педагогик чара; тәрбияченең методик лабораториясе. Конкурс чаралары нәтиҗәләре буенча Наталия Васильевна республика конкурсының зона этабы лауреаты булды. Аңа иҗади уңышлар, яңа биеклекләр һәм алга таба җиңүләр телибез!