I Бөтенроссия туган тел форумы.

2023 елның 16 ноябрендә Казанда Татарстан Республикасы Мәгариф һәм фән Министрлыгы һәм Бөтендөнья татар конгресслары катнашында оештырылган «Туган тел» I Бөтенроссия туган тел форумы тәмамланды. Форум эшендә Россиянең 30 төбәгеннән вәкилләр – татар теле һәм әдәбияты укытучылары, дәреслекләр авторлары, галимнәр, мәгариф оешмалары җитәкчеләре, мәгариф идарәсе органнары, төбәк татар милли-мәдәни җәмгыятьләре вәкилләре һәм башкалар катнашты. Әлеге чара агымдагы елда оештырылган Бөтенроссия татар теле укытучылары ассоциациясенең беренче җыелышы буларак үткәрелде. Аксубай муниципаль районы делегациясе, «мәгариф бүлеге» милли мәгариф методисты Хәмитова А.И., Иске Кыязлы Милли төп гомуми белем бирү мәктәбе директоры Җәләлетдинова И. Д., Иске Кыязлы мәктәбенең Туган тел (татар) теле һәм әдәбияты укытучысы Гыйльметдинова А. Г. һәм татар телен укыту тәрбиячесе Минсафина Г. М.  шулай ук форумда актив катнаштылар. «Корстон " сәүдә үзәгендә Р.Н.Миңнеханов катнашында форумның пленар утырышы узды. Анда ук форумга багышланган күргәзмә оештырыла. Биредә балалар һәм өлкәннәр өчен татар телендә төрле китаплар, плакатлар, милли бизәнү әйберләре, костюмнар, татар газеталары һәм журналлары тәкъдим ителде. Шулай ук татар теле һәм әдәбияты кабинеты булдырылды. Пленар өлештән соң форумда катнашучыларның барысы да эш юнәлешләре буенча методик мәйданчыклар утырышында эшләрен дәвам иттеләр.