Сайлау хокукы һәм сайлау процессы мәсьәләләре буенча Бөтенроссия укучылар олимпиадасы призерлары.

  Гыйзатуллина Дарина, 9 нчы сыйныф укучысы һәм Хәмәтшина Алина, 3 нче номерлы Аксубай урта гомуми белем бирү мәктәбенең 10 нчы сыйныф укучысы сайлау хокукы һәм сайлау процессы мәсьәләләре буенча Бөтенроссия укучылар олимпиадасының төбәк этабы призерлары булдылар. Призерлар әзерләгән тарих һәм җәмгыять белеме укытучысы Удиярова Татьяна Георгиевнаны котлыйбыз!!! Олимпиадада Татарстан Республикасының 37 муниципаль районыннан, Казан һәм Чаллы шәһәрләреннән 134 укучы катнашты. Олимпиада биремнәрен үтәү процессында катнашучыларга Россия Федерациясенең барлык дәрәҗәдәге хакимият дәүләт органнарына кандидатларны сайлауны оештыруда һәм үткәрүдә закон актларын һәм кагыйдәләрен белүне күрсәтү таләп ителә. Олимпиада җиңүчеләренә һәм призерларына Татарстан Республикасы Үзәк сайлау комиссиясеннән сувенирлар һәм истәлекле бүләкләр тапшырылды. Олимпиадада катнашучыларны компетентлы жюри бәяләде, аның составына тарих фәннәре кандидаты, заманча белем бирү технологияләре һәм мәгариф эчтәлеген проектлау кафедрасы доценты Саяпин Владислав Александрович җитәкчелегендәге Казан федераль университетының профессор-укытучылар составы хезмәткәрләре керде.